2022 年度我最喜愛展覽主視覺設計
日期 Date :
2022.12.31
2022.12.31
♥ 03
展覽 Exhibition :
(原味)
(原味)
主視覺設計 Key Visual Design :
梁曉盈 Roma LEUNG
梁曉盈 Roma LEUNG
喺香港，一個展覽嘅 Key Visual (KV) 做得特別好，大概都唔會吸引多好多人去睇，有大把更有效嘅宣傳手法可以令你個場嘅觀眾增加。好多展覽做宣傳都直接用作品做 KV，合理又直接，畢竟視覺藝術家做左好東西出嚟，實在無理由要為作品加多層紗。多數展覽亦唔多資訊要整理，一張用 Word 做嘅 A4 紙足夠有凸，手畫都可以好清晰，未必需要一個特別設計嘅視覺系統。預算有限，出類嘅設計係 bonus，但總係有人想做得更好。今年年尾，就同大家分享今年我最鍾意嘅三個主視覺設計，話比呢啲肯比錢／肯碌人情卡／肯自己做義工做好宣傳品嘅計劃同設計師知，大家（或者我）都想睇到更多好設計！
《(原味)》想搵藝術家們未被雕琢嘅一面，佢嘅 Open Call 同展覽同樣都以 render 出嚟嘅「球體」做主視覺－ Open Call 入面嘅三個類氣球物，特意用左只有氣球先有嘅令面同奶白色，浸工業膠味出過 Jeff Koons 啲狗狗，反光位亦見到係用左一個好似課室嘅背景；而展覽嘅 KV 就以三粒透明但帶少少顏色嘅「蒟蒻」串埋一齊，透徹咁反射天空嘅光，表現冇雜質但帶有味道嘅狀態。由 Open Call 過渡到展覽嘅視覺元素，由重口味回歸原味，非常切合主題。我亦好鐘意「球體」玩埋 rendering 嘅狀態－做 rendering 嘅時候要揀材質比電腦渲染你想要效果，啲材質嘅預覽多數都係個球體－由球體到塑造「球體」，變化好似唔大，但需要嘅力氣都唔少，做一份「原味」嘅作品亦言。三粒「蒟蒻」相碰但互不干涉嘅狀態亦係 render 世界嘅獨有語言，加埋好似商品包裝嘅 header ，令人再將學生作品同買賣、價值等議題扣上，呢個 KV 可以話差不多玩盡每個細節。
《(原味)》想搵藝術家們未被雕琢嘅一面，佢嘅 Open Call 同展覽同樣都以 render 出嚟嘅「球體」做主視覺－ Open Call 入面嘅三個類氣球物，特意用左只有氣球先有嘅令面同奶白色，浸工業膠味出過 Jeff Koons 啲狗狗，反光位亦見到係用左一個好似課室嘅背景；而展覽嘅 KV 就以三粒透明但帶少少顏色嘅「蒟蒻」串埋一齊，透徹咁反射天空嘅光，表現冇雜質但帶有味道嘅狀態。由 Open Call 過渡到展覽嘅視覺元素，由重口味回歸原味，非常切合主題。我亦好鐘意「球體」玩埋 rendering 嘅狀態－做 rendering 嘅時候要揀材質比電腦渲染你想要效果，啲材質嘅預覽多數都係個球體－由球體到塑造「球體」，變化好似唔大，但需要嘅力氣都唔少，做一份「原味」嘅作品亦言。三粒「蒟蒻」相碰但互不干涉嘅狀態亦係 render 世界嘅獨有語言，加埋好似商品包裝嘅 header ，令人再將學生作品同買賣、價值等議題扣上，呢個 KV 可以話差不多玩盡每個細節。
♥ 02
展覽 Exhibition :
你恢復得像我們之間從來沒有發生過一樣
你恢復得像我們之間從來沒有發生過一樣
藝街家 Artists :
雞髀打人 Gabby and Darren
Landescape 1823
雞髀打人 Gabby and Darren
Landescape 1823
呢三個設計，其實年中左右就已經決定好係寫佢地，不過都想去到最後一刻睇下有冇更好嘅作品。展覽太多去唔哂，展覽設計亦分好多 part 講唔哂，所以呢個亦唔係回顧或比較，只係分享我有睇過而又最愛嘅三個，亦係我認為擺到最多心思，又成功地背負到展覽內容嘅三個。
年頭大量以 emo 為題嘅展覽，各自展示屬於佢地年代或佢地所愛嘅 emo 語言，《你恢復得像我們之間從來沒有發生過一樣》無疑係年輕（同MK）嘅代表。KV 重現個啲去舊商場買潮物，行過每一個油到不得了但都唔可以放過嘅反光面，都要影張要睇到但又要睇唔到嘅自拍照。KV 呢啲自拍照或者閃令令嘅貼紙相，扣連 @gabby.n.darren 要講嘅 +;![].迷失.＊ ﹍×°情感°°°×．﹏，暗示 @mist_gallery_hk 嘅場域特色同 @landescape1823 拿手嘅場域藝術。佢地亦有出 IG Filter，進攻現時最流行、最便宜、最多人放低情感嘅嗰塊「鏡」。展覽簡介都唔馬虎－以街招式搣紙仔去搵更多作品嘅展覽簡介，同要用塗改液寫嘅留言版－喺設計物上面都無放過任何一個可以展示創意嘅機會。要數同樣用盡所有介面創作嘅展覽，同年可能得大館嘅 Behind Your Eyelid — Pipilotti Rist 可以相提並論。
年頭大量以 emo 為題嘅展覽，各自展示屬於佢地年代或佢地所愛嘅 emo 語言，《你恢復得像我們之間從來沒有發生過一樣》無疑係年輕（同MK）嘅代表。KV 重現個啲去舊商場買潮物，行過每一個油到不得了但都唔可以放過嘅反光面，都要影張要睇到但又要睇唔到嘅自拍照。KV 呢啲自拍照或者閃令令嘅貼紙相，扣連 @gabby.n.darren 要講嘅 +;![].迷失.＊ ﹍×°情感°°°×．﹏，暗示 @mist_gallery_hk 嘅場域特色同 @landescape1823 拿手嘅場域藝術。佢地亦有出 IG Filter，進攻現時最流行、最便宜、最多人放低情感嘅嗰塊「鏡」。展覽簡介都唔馬虎－以街招式搣紙仔去搵更多作品嘅展覽簡介，同要用塗改液寫嘅留言版－喺設計物上面都無放過任何一個可以展示創意嘅機會。要數同樣用盡所有介面創作嘅展覽，同年可能得大館嘅 Behind Your Eyelid — Pipilotti Rist 可以相提並論。
♥ 01
展覽 Exhibition :
不能承受的輕
不能承受的輕
設計 Design :
for&st
for&st
土地問題，真心儲唔哂所有紙本，出嚟行，已經冇乜點貪果盤，會收藏嘅都係物料或印刷上有心思嘅作品，我亦好偏心呢啲設計：）。寫嘅呢三個展我都有收好紙本，而以下呢個一定係100分。
紅線之上，霧將風景同語言遮蓋－《不能承受的輕》嘅 KV 好簡單就總結左呢幅關於香港嘅景象。 @arsimim 嘅作品溫柔強大，筆法同物料營造多層視覺上嘅質感同情感， @form_structure.co 巧妙咁將呢啲質感全部放返哂喺設計裡面。展覽一共出左好幾本印刷品，呢到唔盡錄啦，有興趣可以去 @form_structure.co IG 到睇。講講最令我感動嗰封信－一打開就見到同時記錄火海同大海嘅作品－《我看到了故事的結局》，置於最上嘅係用和紙印成嘅長軸作品簡介，之後係封取自藝術家書法作品嘅信，最後以厚牛皮紙作底拓，以白霧似嘅白牛皮紙信封將一切輕重都摺疊收藏喺一長方之內。打開呢段回憶難，你亦只可以用霧，整齊咁收返埋佢。信以唔同紙材嘅重量、質感同視覺效果做對比，呼應作品中嘅矛盾同起伏，閱讀經驗非常立體，完美咁回應同傳譯作品！
紅線之上，霧將風景同語言遮蓋－《不能承受的輕》嘅 KV 好簡單就總結左呢幅關於香港嘅景象。 @arsimim 嘅作品溫柔強大，筆法同物料營造多層視覺上嘅質感同情感， @form_structure.co 巧妙咁將呢啲質感全部放返哂喺設計裡面。展覽一共出左好幾本印刷品，呢到唔盡錄啦，有興趣可以去 @form_structure.co IG 到睇。講講最令我感動嗰封信－一打開就見到同時記錄火海同大海嘅作品－《我看到了故事的結局》，置於最上嘅係用和紙印成嘅長軸作品簡介，之後係封取自藝術家書法作品嘅信，最後以厚牛皮紙作底拓，以白霧似嘅白牛皮紙信封將一切輕重都摺疊收藏喺一長方之內。打開呢段回憶難，你亦只可以用霧，整齊咁收返埋佢。信以唔同紙材嘅重量、質感同視覺效果做對比，呼應作品中嘅矛盾同起伏，閱讀經驗非常立體，完美咁回應同傳譯作品！