2022.07 筆記合集
展覽 Exhibition :
子夜太陽
子夜太陽
藝術家 Artist :
陳凱慈 Nicole CHAN
陳靄欣 CHAN Oi Yan
鄭詠文 Van CHENG
盧棠棣 Vanessa LO
吳慧蘭 Gladys NG
地點 Venue :
WURE
陳凱慈 Nicole CHAN
陳靄欣 CHAN Oi Yan
鄭詠文 Van CHENG
盧棠棣 Vanessa LO
吳慧蘭 Gladys NG
地點 Venue :
WURE
日期 Date :
2022.07.15
2022.07.15
子夜嘅太陽大概位於地球嘅另一端，我地會期望有一丁點嘅陽光可以穿過泥土、地殼同地核，嚟到我地嘅腳下，喺黑夜中透出一絲光芒嗎？
大概所有人都喺到嘗試捕捉黑夜中僅有嘅光同影，《致失衡的歲月》喺牆身關於光影、時間、掣肘同痛苦嘅影像暗示左我地嘅現狀，但更具力量嘅係作品中以影像同櫈造成嘅裝置部份。影像由一邊嘅櫈下面，投影向另一邊被割半嘅櫈，半櫈嘅影逐投向牆上印有全櫈嘅相片，相片上嘅牆腳同場地嘅牆腳位置吻合，而相嘅影子，亦落喺場地嘅牆上。呢一連串貫穿影像同實體、重疊「櫈」嘅操作，難免唔令人諗起 Joseph Kosuth 嘅 One and Three Chairs 點樣描繪 Chair 嘅概念，但 Chair 除左係 one Chair ，同時亦係 three chairs。《致失衡的歲月》刻意將所有嘅「櫈」「串」係同一條軸上，卻恰好反映咁多件處於唔同地方空間嘅物件－有啲同我地一齊喺三維空間入面、有啲喺影入面、有啲喺相上面……即使可以係牽一髮動全身，但佢地始終都分開喺唔同框架之內，要對齊咁多張失去平衡嘅「櫈」，可能只係不設實際嘅嘗試。
《Instinct》將用石墨塑造嘅小手置於嬰兒床上，手嘅形狀表現出想捉緊一啲嘢嘅欲望。佢捉唔到從天而降嘅暖光，得床嘅圍欄影子落係佢手掌之上；好似同時剛好爬到圍欄之上，同時亦捉唔到任何嘢咁。類近嘅對比狀態亦可以喺作品嘅細節上搵到：用魚絲拉起用鐵網造嘅床、用幼身嘅排釘連接木桿、用枕頭托住望落較硬嘅手等等。作品喺角力之間提出欲望，然後淨係捉到影，捉唔到光，彌留喺未知落空與否嘅狀態，延伸《致失衡的歲月》嘅無力感。
除左以上作品，其他作品同樣不斷喺光同影之間游走，包括以投影用光製造剪影、用美柔汀喺黑暗之中「畫」光、用菲林收集陽光製造光影「繪畫」圖像、處理喺「白色」上用「黑色」留低嘅字句同影像等……用唔同媒介，試圖探索所有「造光」、「留光」、「造影」、「留影」嘅功夫。藝術家們喺生活中用創作「裝備」自己，無論係要喺子夜中尋找太陽，定係要喺黑暗嘅正午下生活，都決定堅持擁有能屈能伸，讓自己呼吸嘅力量。
大概所有人都喺到嘗試捕捉黑夜中僅有嘅光同影，《致失衡的歲月》喺牆身關於光影、時間、掣肘同痛苦嘅影像暗示左我地嘅現狀，但更具力量嘅係作品中以影像同櫈造成嘅裝置部份。影像由一邊嘅櫈下面，投影向另一邊被割半嘅櫈，半櫈嘅影逐投向牆上印有全櫈嘅相片，相片上嘅牆腳同場地嘅牆腳位置吻合，而相嘅影子，亦落喺場地嘅牆上。呢一連串貫穿影像同實體、重疊「櫈」嘅操作，難免唔令人諗起 Joseph Kosuth 嘅 One and Three Chairs 點樣描繪 Chair 嘅概念，但 Chair 除左係 one Chair ，同時亦係 three chairs。《致失衡的歲月》刻意將所有嘅「櫈」「串」係同一條軸上，卻恰好反映咁多件處於唔同地方空間嘅物件－有啲同我地一齊喺三維空間入面、有啲喺影入面、有啲喺相上面……即使可以係牽一髮動全身，但佢地始終都分開喺唔同框架之內，要對齊咁多張失去平衡嘅「櫈」，可能只係不設實際嘅嘗試。
《Instinct》將用石墨塑造嘅小手置於嬰兒床上，手嘅形狀表現出想捉緊一啲嘢嘅欲望。佢捉唔到從天而降嘅暖光，得床嘅圍欄影子落係佢手掌之上；好似同時剛好爬到圍欄之上，同時亦捉唔到任何嘢咁。類近嘅對比狀態亦可以喺作品嘅細節上搵到：用魚絲拉起用鐵網造嘅床、用幼身嘅排釘連接木桿、用枕頭托住望落較硬嘅手等等。作品喺角力之間提出欲望，然後淨係捉到影，捉唔到光，彌留喺未知落空與否嘅狀態，延伸《致失衡的歲月》嘅無力感。
除左以上作品，其他作品同樣不斷喺光同影之間游走，包括以投影用光製造剪影、用美柔汀喺黑暗之中「畫」光、用菲林收集陽光製造光影「繪畫」圖像、處理喺「白色」上用「黑色」留低嘅字句同影像等……用唔同媒介，試圖探索所有「造光」、「留光」、「造影」、「留影」嘅功夫。藝術家們喺生活中用創作「裝備」自己，無論係要喺子夜中尋找太陽，定係要喺黑暗嘅正午下生活，都決定堅持擁有能屈能伸，讓自己呼吸嘅力量。