2022.10 筆記合集
展覽 Exhibition :
宇宙數據接收中
宇宙數據接收中
藝術家 Artist :
傅至雅 Jessica FU
地點 Venue :
油街實現 Oil Street Art Space
傅至雅 Jessica FU
地點 Venue :
油街實現 Oil Street Art Space
日期 Date :
2022.10.10
2022.10.10
計劃以太空船為本體，以外來者視覺駐場油街，研究植物同腳下呢片你可能去過／未去過嘅土地。由一幅以幾何語言重繪嘅油街地圖開始，了解太空船來訪「陸地」嘅故事，進入太空船，喺用收集得嚟嘅影像而拼凑出嘅宇宙裡面，重新觀察「陸地」上嘅植物以及被轉化嘅情感。
／／陸地人 你去過附近嗎？／／
同北角周遭城景唔同，喺油街入面，植物係主角 ，亦係計劃入面嘅觀察對象。《樹木數據收集中》算係太空船入面處理數據嘅資料室。作品以近鏡細心捕捉植物表面，呈現喺三個直倒嘅螢幕上，鏡頭中雖然係油街嘅植物，但視覺非常陌生，更似俯視梗荒無星體嘅地表。瞓喺長椅，沉浸於三個螢幕之中，對於早就同植物疏遠嘅城市人嚟講，同首次「著陸」嘅太空船無異，同樣都係觀察梗一片我地從來都毫無概念嘅土地。
／／雖人不在 心卻所往／／
太空船將來訪油街呢片「陸地」嘅經歷，寫哂喺《Hey ／／／ᘙ⟜／Ꙩ⟜Ꙩᘙ⟜ﹾﹾﹾ》入面。故事以文字嘅方式投影喺磨砂窗上，故事同情緒喺窗框嘅轉角上被放大同縮小，有時又穩身喺玻璃之中。我地隱約知道太空船嘅同伴【怹】應該並唔認識呢塊陸地，但同時又好似好熟識咁。喺太空船眼中，佢最後成為左陸地人，要太空船一等再等，唔願離去。故事情節全部都啟發自油街同北角嘅記憶，同時睇住窗後居民喺油街草地上遊玩嘅景象，彷彿帶上左【怹】嘅眼鏡，同時觀看陸地「本土」、「有味道」嘅生活，同時觀看似曾相識嘅「家」。計劃將對植物、空間同回憶嘅觀察都納入「回家嘅課題」，大概係呢幾年，只要觀察都必然會觸碰嘅不安。
／／陸地人 跟你講一個永別亭的故事／／
同以往油街常見，以展示自身對植物同社區工作熟悉嘅作品不一，藝街家喺駐留中（Residency）有駐留（Reside），但拒絕成為「居民」（Resident），積極釐清自己「過客」、對一切陌生嘅身份－太空船一直期待【怹】會探索完成，想像（或者）有一日就會離開。可能係我地都太大安旨意，誤以為我地同植物、同呢個地方嘅距離，仲有機會可以重新拉近。或者保持距離先係更誠實同勇敢嘅身位，去睇清樹木上一道道坑紋，確認個啲抽去本體而留底嘅檸檬同其他結晶嘅《星塵》，仲有冇味道同情感遺留，定係已經成為一個個等待再次填充嘅空殼。正如太空船需要確認自己，如果有多一次機會的話，會選擇繼續留守定離去。
P.S. 喺太空船嘅入口，地下有以亂碼編成嘅句子作引號，大概係《Hey ／／／ᘙ⟜／Ꙩ⟜Ꙩᘙ⟜ﹾﹾﹾ》嘅延伸、太空船嘅語言。好喜歡佢地會啱啱好消失喺布幕入口之下，可以悄然逃離失語嘅世界。
／／陸地人 你去過附近嗎？／／
同北角周遭城景唔同，喺油街入面，植物係主角 ，亦係計劃入面嘅觀察對象。《樹木數據收集中》算係太空船入面處理數據嘅資料室。作品以近鏡細心捕捉植物表面，呈現喺三個直倒嘅螢幕上，鏡頭中雖然係油街嘅植物，但視覺非常陌生，更似俯視梗荒無星體嘅地表。瞓喺長椅，沉浸於三個螢幕之中，對於早就同植物疏遠嘅城市人嚟講，同首次「著陸」嘅太空船無異，同樣都係觀察梗一片我地從來都毫無概念嘅土地。
／／雖人不在 心卻所往／／
太空船將來訪油街呢片「陸地」嘅經歷，寫哂喺《Hey ／／／ᘙ⟜／Ꙩ⟜Ꙩᘙ⟜ﹾﹾﹾ》入面。故事以文字嘅方式投影喺磨砂窗上，故事同情緒喺窗框嘅轉角上被放大同縮小，有時又穩身喺玻璃之中。我地隱約知道太空船嘅同伴【怹】應該並唔認識呢塊陸地，但同時又好似好熟識咁。喺太空船眼中，佢最後成為左陸地人，要太空船一等再等，唔願離去。故事情節全部都啟發自油街同北角嘅記憶，同時睇住窗後居民喺油街草地上遊玩嘅景象，彷彿帶上左【怹】嘅眼鏡，同時觀看陸地「本土」、「有味道」嘅生活，同時觀看似曾相識嘅「家」。計劃將對植物、空間同回憶嘅觀察都納入「回家嘅課題」，大概係呢幾年，只要觀察都必然會觸碰嘅不安。
／／陸地人 跟你講一個永別亭的故事／／
同以往油街常見，以展示自身對植物同社區工作熟悉嘅作品不一，藝街家喺駐留中（Residency）有駐留（Reside），但拒絕成為「居民」（Resident），積極釐清自己「過客」、對一切陌生嘅身份－太空船一直期待【怹】會探索完成，想像（或者）有一日就會離開。可能係我地都太大安旨意，誤以為我地同植物、同呢個地方嘅距離，仲有機會可以重新拉近。或者保持距離先係更誠實同勇敢嘅身位，去睇清樹木上一道道坑紋，確認個啲抽去本體而留底嘅檸檬同其他結晶嘅《星塵》，仲有冇味道同情感遺留，定係已經成為一個個等待再次填充嘅空殼。正如太空船需要確認自己，如果有多一次機會的話，會選擇繼續留守定離去。
P.S. 喺太空船嘅入口，地下有以亂碼編成嘅句子作引號，大概係《Hey ／／／ᘙ⟜／Ꙩ⟜Ꙩᘙ⟜ﹾﹾﹾ》嘅延伸、太空船嘅語言。好喜歡佢地會啱啱好消失喺布幕入口之下，可以悄然逃離失語嘅世界。